kick ass 2

hit girl 係一個十二三歲既細路女

未去過學校讀書

由細到大都係佢老豆教佢野既

教佢咩??

槍, 刀, 殺人, 要殺d 衰人

佢老豆就係big dad 尼古拉斯基治

佢之前係一個警察

但係畀個黑社會大佬害佢入去坐監

所以big dad 就憎個黑社會大佬到死

同個女一齊警惡懲奸

其實都唔係話咩做好事既big dad

因為佢係無理過個女既感受

又唔畀佢讀書

又唔畀佢識朋友

一味掛住報仇

自己衰

仲要拉埋個女落水

不過個女都好識諗

都肯幫個老豆

呢度又係幾感動我既

尤其係last 佢不惜一切救個老豆個度
真係睇到我好肉緊
生到個女係咁就真係三生有幸

講返之前先

其實呢套戲其實都係血腥

全部都係出現響hit girl 殺人個陣

但係個過程都係表達得痛快 好睇 同埋係有d冷血

由hitgirl 殺個屋人

去到救佢老豆

再去到打大佬

都係賞心悅目

其實個老豆係點
個細路就會係點
你點教佢
但係唔好講一套做一套
因為個細路係會知度你係點
咁就會學左你個套架啦
你講一套做一套個細路都係會講一套做一套囉
雖然佢大大下會變
但係都係由個老豆教佢個度變出黎

what is this?

kick ass

我間唔中都會重溫返呢套野

成日講到d 超級英雄好似神咁
又好大使命感
又好大壓力
個內心又好掙扎
又要隱藏自己係超級英雄呢個秘密唔可以話畀人知
攪到自己d 親戚朋友成日誤會
但係又要繼續維持世界和平
但係又無人頒個大紫荊勲章畀佢
真係好慘無人道

kick ass 呢條友仔本身係一個普通中學生黎
無超能力
又無錢
又唔係有個師傅教佢d 咩絕世武功
但係佢就係想做超級英雄呀
吹佢唔漲
自己上網買套潛水衣
笠住自己個頭
買埋兩碌棍
就行出街警惡懲奸啦
佢覺得現實世界同電影一樣
都係有好多壞人
但係同電影唔同既就係無超人囉

無超人
都無計架
咁就自己去左做

周圍幫下人呀 (第一次係想幫人搵隻貓)
點知見到三條友響間類似coffee shop 既出面打緊個男人
跟住佢就出手啦
當然
kick ass 係唔夠打
跟住仲係即刻畀人打返鑊啦
呢場其實係我最受感動既一場(真係感動)
打人既一個男人問佢"你係咪short 架?為個唔知邊個攪到自己咁"
kick ass 答返佢 "佢地咁多人望住你地打人唔報警響度拍片先short 呀"(因為佢地個陣用緊自己部電話拍片)
真係發人深省
我覺得現代人都係有d 咁既特性
就係成日都隔岸觀火
唔關自己事
但係就成日望住人地發生咩事
最好其他人有事發生 (有戲睇嘛)
但係永遠就係唔會插手
袖手旁觀咁
有野殺到埋身
就話 " 唓~~關我咩事jak~~"

寫住咁多先

concert

我自己其實成日諗d 無聊野
其中一樣係有咩人黎香港開concert 我一定要去
一定要去既意思係我就算要辭職都要去
(因為驚請唔到假)

佢地包括係
(排名不分先後)
kings of leon
linkin park
p!nk
foo fighters

其實好似仲有架，不過而家醒唔起
諗到再加

仲有hurts

it's kind of a funny story

響verycd 個度見到呢套戲名

都係畀個戲名吸引到

見到佢d 影評都唔差

睇完

睇左三日先睇完

無失望

佢係講左個男仔十六歲

成日想自殺

個係又未試過自殺

有朝佢晨早流流自己都頂唔順自己

襯阿爸阿媽都未起身

去左睇精神科醫生

同個醫生話可唔可以開d 藥畀自己

個男仔諗住食藥可以解決問題

但係點知個醫生唔畀喎

跟住叫佢住五日醫院觀察下先啦

咁就住左五日啦佢

套戲就係講佢個五日既生活

當然

係可以識到唔同人

又有女溝

又有故事講既五日啦

佢同個麻甩佬做左friend

分享下經歷咁

教下佢追女仔

同佢一齊玩下

響醫院入面都既好架其實

又有音樂玩

又有畫畫

又有得偷走去打波

男主角其實同一般人一樣係好大壓力

又讀名校

又有好多人同佢比較<-- 佢個friend, 個妹, 同學

其實都無計既

日子都係要過

其實佢都係一個叻仔黎既

畫公仔好靚

但係響套戲入面無點提呢樣野

講返個結局

就係佢可以同老豆講唔去讀個唔知咩野

去左做自己想做既野

去玩去旅行

(邊個唔想??)

但係都係可以令到自己諗返自己做緊咩既一套戲

你做緊咩唔緊要

最緊要知道自己想做咩

plan 下啦

點先可以做到自己想做既野

好難架真係

唔做丫笨

聽日返工

我唔鐘意返工

但係都唔鐘意放假

仲要係一放放兩星期咁耐

因為聽日就要接受返工作既煎熬

唔做開野就唔想做返野架啦

跟住又要返返去廠

damn

兩星期

真係留響香港搵多份工都得

浪費時間得好緊要

不過都畀左d時間我諗下跟住會係點

希望人生唔係留響呢間廠個度過日子

係可以做到自己想做既野

唔好等其他人畀機會

自己創造機會畀自己

畀心機

假期呢

呢幾日都唔洗返工

但係又無錢去旅行

所以就去左周圍行

但係其實都係響東涌行遮

呢度係東涌線隔離條路

我都唔知係去邊架

行行下會去左一條路係去梅窩架

但係又唔夠膽去埋梅窩

下次啦

下次去

let see how far i can go

fun table leo ng lo lu

fun table fun table fun table

呢幾個星期都攪緊呢壇野

岩岩今日知道leo 唔玩lu

好想可以成事呀~~!!!

加油呢